وصية ام معاصرة لابنتها

قالت ام عبدو الحلبية لابنتها عند الزفاف :

يا بنتي هلق انت طالعة من بيت امك وابوك لبيت الاهبل اللي رضي يتجوزك فاوصيك بهذه الوصايا :
1- اقطعيله راس القط من ليلة من اول ليلة
2- اذا شفتيه مبسوط ... قلبي بوزك بوجهه , واذا شفتيه زعلان عملي حالك كانه الدنيا ما واسعتك من الفرحة
3- كل ما طرق بوجهك قوليلوا امك عملت هيك واهلك عملوا هيك ، وضلي وزي براسو حتى يجبلك بيت لحالك
4 - ومني عليه انه حفي وعري حتى اخدك , وانت بالاصل ما كان بدك ياه ، وانو تقدملك مين هن احسن منو ورفضتيهم .
5- ولا تخلي بجيبتوا ولا ورقة سوري وخليه يضل عم يركض بشان يأمنلك طلباتك ( ويشهق ما يلحق )
6- وعلقيه بولد من اول شهر بشان ما بقا يفكر يطلقك
7- واذا عزم حدا من اهلوا او رفقاتوا ... انزعجي ....
8- واذا كا ن عند بيت حماك فرح عملي اي حجة بشان ما تحضريه
9- واذا شفتيه ناوي يشارك بفرح لحدى من اهله طلبي منه يوديك لبيت اهلك .
10- اعمليلوا غرفة النوم مطبخ .... وغرفة القعدة ( معتقل )
11 - واعرفي منه لوين راح ومن اجا واشو ساوا ......
12- اذا طلبك لفراشه تمنعي وتأفأفي ، واذا حطيتوا راسكن عامخدة طلعي كل شي طلبات عندك
هيك يا بنتي بيكرهك وبيطلقك وبتاخدي كل دهبك ومهرك وبتجي لعنا منجوزك سيد سيده

كان العنوان يوحي لمضمون معاصر .....

والله اذا كل النسوان رح تطبق هالحكي معناتا باذن الله ما رح تبقى وحده متزوجه


يا هيك الوصايا يا اما بلا

اعصرن من هيك بدك؟؟؟؟؟؟؟؟؟؟؟؟

جزاك الله كل خير يا ابو محمد على الوصايا
مو كأنك بدك تخرب بيوتنا هههههه