يادكتور....

لوووووو سمحتم
اريد دواء طبيعيا لمنع تساقط الشعر
وبما انك يا اخ ابو محمد طبيب اعشاب ارجو ان تفيدني
ولك شكري وامتناني

تكرم عينك
بس بلاها هي: يادكتور
بعدين بصدق حالي اني دكتور

الله يكرمك
صدق حالك ولا يهمك
من شو بتشكي
بما انك بتتعامل مع الطب البديل فانت احلى طبيب منيح هيك؟؟؟؟؟
انا من انصار الطب البديل والاعشاب ومهما عانيت لا الجأ الى الدواء اطلاقا

لك تحياتي

الوصفة شوية صعبة لكن بدها صبر
بتعرفي نبات الخبيزة؟موهيك
بتجيبي شوية خبيزة شي كيلو تقريبا بتنظفيهن من الجذور يعني بتحطي الورق والساق بطنجرة وبتغمريهن بماء وبتغليهن شي ربع ساعة وبتصفيهن المية اللي بتطلع بعد التصفاية بتحطيها بوعاء ,بعدين بتجيبي شي نصف كيلو نخالة طحين عادية (نخالة قمح)وبتنقعيها مع المية اللي طلعت معك من الخبيزة نقع لمدة يوم وبتغليها بس تقلب قلبة قلبتين عالنار وكمان بتصفيها
الان المي اللي طلعت بعد التصفية هي المهمة
بتدلكي منها شعرك كانه بلسم تقريبا مرة او مرتين باليوم وقبل النوم حاولي تدلكي شعرك بزيت زيتون كانك عم تحطي زيت شعر (متل زيت دابر املا تقريبا نفس الطريقة لكن الافضل انو الزيت يوصل لفروة الرأس )هالشي بتستعمليه لمدة بحدود اسبوع تقريبا
جربي هالخلطة ورديلي خبر شو بيصير معك
ان شاء الله بتعطي نتيجة
واذا ماجابت نتيجة في خلطة تانية

هذه الوصفة تقريبا مع اختلاف بسيط بالتركيب تصلح للثعلبة ,فقد وصفتها لزميل لنا اصابته الثعلبة بطرف ذقنه بدائرة قطرها بحدود 2 سنتمتر ولله الحمد ,شافاه الله
وللفائدة يضاف لهذا الخليط قليلا من خل التفاح الطبيعي (ملعقتين كبار),مع استبدال زيت الزيتون بزيت حبة البركة
والله هو الشافي والمعافي

جزاكم الله خيرا
لكن الخبيزة ليس وقتها الان
من البارحة وانا ابحث عن احد عنده خبيزة ولو مجففة لم اجد
ماذا سافعل ؟؟؟؟؟

انا اعلم انه ليس وقتهاالان ولكن قد تنبت احيانا في احواض الزريعة في الاماكن الباردة نوعا ما,
او يمكن الحصول على نباتات جافة في اماكن تواجدها