هنهونات ارمنازية

جبتلكم بعض الهنهونات الارمنازية
لما كنت صغيرة كانت ستي تقلي الهنهونة
انا اكتبها واحفظها
كتير كانوا يعجبوني

انشالله يعجبوكم

آها ع اللعلعي ع اللعلعي
آها ياصبايا تجمعي
آها ياليل طول طول
آها ياشمس لاتطلعي
لي لي لي لي لي ليش

آها في بيتنا رمانة
آها حامضة ولفانة
آها حلفت ماحدا بيدوقها
ليرجع اعضاء منتدانا بالسلامة
لي لي لي لي لي ليش

آها عريسنا من حارة
آها وعروستنا من حارة
عريسنا ياطبق الورد
وعروستنا ياجلنارة
لي لي لي لي لي ليش

آها طولك طول العلم
آها حواجبك خط القلم
شبهتك لشريف مكة
يتفتل حوالي الحرم
لي لي لي لي لي ليش

اللي بيشوفك ومابصلي ع النبي يعن عنييييين
ويوقع بالفرشة سبع سنيييييين
والنملة قبقابو.... وعود المكنس عكازو
يدوس ع الرمل ما يطعجو
ويفوت بخروم الابر ويقول ياربي ما اوسع بوابو
لي لي لي لي لي ليش

آها طبخت محشي
آها عبيتو بكرشي
آها اللي مابترقص وتغني
تحط ملحفتها وتمشي
لي لي لي لي لي ليش

آها كلال الندي
آها ونزل ع الزوادة
وانشالله بنفرحلك يا ( )يوم بتاخد الشهادة

وهي هنهونة لمنتدانا

آها بسام والشمقمق عمروا عمارة ( مع حفظ الالقاب )
آها اعضاء المنتدى يتفتلوا فيها
آها والمدير Admin ياشمعتنااااااااا ....
ياحق لا تطفيهااااااااا
لي لي لي لي لي ليش

هل تعلمون مامعنى لي لي لي لييييييييش
لي : وينك الليش منتواجه
يعني""" وينك منتواجه""""
أشو رأيكم انتو

اللهم يرحم "ستك " إن كانت ميتة ...
ويطول بعمرها إن كانت طيبة ....

هنا لابد من التعقيب ...أن توقيعك ... هو عنوان لما تكتبين...

اتيتكم حكاية بلا عنوان
تسابقني خطوات قلمي وهو ينحني انحناءة ترحيب بكم

لك تحياتي ..

Admin كتب:اللهم يرحم "ستك " إن كانت ميتة ...
ويطول بعمرها إن كانت طيبة ....

من زمااااااان ما سمعنا هالكلام الحلوووو
من يوم ما كبرنا وبطلوا ياخدونا معهم على عراس النسوان
وبطلت النسوان تعمل عراس متل اول بسبب هالستريوهات ......
انطفت هالهنهونات ووقفت الزراغيد ....

وهي هنهونة رد ......
ها ها وبركي بركة الستات
ويا حسن يوسف على الخدين غمازات ….
ها ها و( أرمناز معشوقة القمر ) عنقود بالدالة
ها ها لاحلو ولا فات …
ها ها واللي ما أخذ مثلها يعد حالو مات
لي لي لي لي لييييييييييييش

ههههههههههههههههههههههه

شكرا على زغاريدكم التي تصدح في المنتدى فيرتد صداها في اذني وانا في غربتي
فتوقظ الطفلة داخلي لتصرخ بأعلى صوووووووت
أحبكمممممممممأخوتي واخواتي ياسوريين وياسوريات
اينما كنتم
احبك يا ارمناز بل واعشقك
احبكككككككككككككك ياسوريا ياحبيبتي

نحمد الله ....
نحمد الله ....
فقد أستطعنا بمنتدانا المتواضع هذا تغيير نظرتك تجاه الأرمنازيين عموماً ...
تلك الصورة القاتمة المزروعة في عقول الكثير الكثير من الناس ....

نريد أن نرسم صورة حضارية ترنو تزهو بنا وببلدنا ...
وعلنا نأكل شيئاً من ثمارها ونورثها لأجيالنا القادمة ....
فنمحو عفن ماأفسده أخطاء جهالنا ونسمو للأعلى ...

فإن لم نفعل شيء في هذا المنتدى فيكفينا هذا الإنجاز الرائع ...

" أقول هذا الكلام تعقيباً على كلامك لمشاركة سابقة ... "

لكم تحياتي

اشكركم فانتم من اعاد البسمة والفرحة لقلبي بعد ان انطفات
وخاصة في تلك الظروف العصيبة التي تمر بها بلدنا الحبيب سوريا

وعذرا ان بدر مني هذا الكلام
فلم اقصد
لكن اقارن بين الماضي والحاضر
وانا فخورة جدا جدا جدا ومتفائلة
علَ الله يرحمنا

bassam1972 كتب:

Admin كتب:اللهم يرحم "ستك " إن كانت ميتة ...
ويطول بعمرها إن كانت طيبة ....

من زمااااااان ما سمعنا هالكلام الحلوووو
من يوم ما كبرنا وبطلوا ياخدونا معهم على عراس النسوان
وهي هنهونة رد ......
ها ها وبركي بركة الستات
ويا حسن يوسف على الخدين غمازات ….
ها ها و( أرمناز معشوقة القمر ) عنقود بالدالة
ها ها لاحلو ولا فات …
ها ها واللي ما أخذ مثلها يعد حالو مات
لي لي لي لي لييييييييييييش

قلتلي ماعاد اخذوك معاهن على اعراس النسوان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هههههههههههههههههههههههه
اخ ذكرتني من زمااااااااااااااااااااااااااااااااااااااااااااااااااااااااااااااااااااااااان
من شي 33 سنة تقريبا رحت مع امي الله يطعمها الجنة ويطول بعمرها
على عرس نسوان ,كنت ايامها صف رابع ابتدائي على ما اذكر
المهم دخلوا اولاد اكبر منا
فاجت ام العريس وصارت تطردهن على اساس انهن كبار ومابصير يدخلو مع النسوان
المهم صارت تضربهن عشان يطلعو لبرا
وبالغلط جاني كف مقلوب حسيت الشرر طلع من عيوني
واجت المراة تتعذر من امي وباستني شي مية بوسة عشان ارضى
وانا كنت بصغري زعيل كتير
وانا ابوّز والمراة تزيد البوسات عشان ارضى
الله يسامحها
ومن يومها
بزقت التوبة احضر عرس
ههههههههههههههههههههه
وبلاهنهونات بلا بطيخ

ههههههههههههه

*** مسكين ياأبو عبد الله


*** يابو محمد اتاريك مو قليل ياخيو
بدووووووووووووووون تعليق!!!!!!!!على كلامك

بتقول بلا هنهونات بلا بطيخ رح ازعل منك
الله يسامحك

طب اسمع هالهنهونة
اها كلال الندي
اها نزل ع الزوادة
وانشالله (يابو محمد) بتفرح بولادك
يوم ياخدو الشهادة


آآآها ويااعضاء منتدى ارمناز يرحم جدودكم
آآآها ياساحبين الخناجر ع خواصركم
آآآها سالت رب السما والارض لا يضيمكم
ولا ينقص حدا منككككم


آآآها وامشي مشية الستات ع البنا
آآآها والكحل بعيونك صفقتلو غنى
واللي يدخل منتدانا ومايصلي ع النبي
انشالله مايتهنى

شكرا جزيلا
أها يا كلل الندي
أها وأحدر(نزل) على البامية
أها و(أرمناز معشوقة القمر) وصلت من السفر
أها والحمد لله عالسلامة
ليليليليليليليليليليليليش
طاخ طاخ طاخ طاخ
هاد مشط رصاص

والله انا وعم اقرأ حسيت حالي بالعرس هههههههه

هاها وطبخنا بامه

ها ها وكترنا القدامه

هاها ويلي ما بيفوت على ها المنتدى

بيعض اصابيعو ندامه

ولللللللللليشششششششششش



والله ذكرتوني باهلي بارمناز وشوقتوني روح ازورهم

حلوات هالهنهونات ههههه الله يعطيكم العافية ....
بجد حلوات.....
شكرا....

هنهونات قديمة
أوها عاللّعْلَعي اللّعْلَعـي
أوها يا صـبايا تجمّـعي
أوها يا ليل طول طـول
أوها ويا شمس لا تطلعي

لي لي لي لي لي ليش



أوْها بِـبيـتنا رمّـانـة
أوها حـامضـة و لفّـانـة
أوها حَـلَفْنا ما نقطعـها
أوها ليدخل عريسنا بالسلامة

لي لي لي لي لي ليش

أوها يا صحن رز بحليب
أوها كل ما برد بطيب
أوها كلنا أهلية
أوها و ما في حدا غريب
لي لي لي ليش..

أوها والقطة قالت :نو
أوها والكلب قال: عو
أوها واللي ما بيفرح لفرحتنا
أوها انشا الله ما بيطلع عليه الضو .......
لي لي لي لي ليش

اوها طبخنا محشي
اوها والسمن عوجو يمشي
اوها واللي مابيفرح لفرحتنا
اوها ان شاء الله ما بيمشي
لي لي لي لي ليش

أوها والقطة قالت :نو
أوها والكلب قال: عو
أوها واللي ما بيفرح لفرحتنا
أوها انشا الله ما بيطلع عليه الضو .......
لي لي لي لي ليش

ماتت الضحكة فأحييتها ...أضحكتني جداااااااً .... جزاك الله الخير ...

شكرا على الهنهونة

Admin كتب:

أوها والقطة قالت :نو
أوها والكلب قال: عو
أوها واللي ما بيفرح لفرحتنا
أوها انشا الله ما بيطلع عليه الضو .......
لي لي لي لي ليش

ماتت الضحكة فأحييتها ...أضحكتني جداااااااً .... جزاك الله الخير ...

مازال عجبتك ؟؟؟؟؟؟ معناتها اسماع هي :
أوها وصرمايتي انقطشت
أوها وربطتها بتيلة
اوها واللي ما بيفرح لفرحنا
اوها ما يصبح من هالليلة
لي لي لي لي ليش


أوها وعملنا كنافة ...
اوها .... وحشيناها جوز
اوها ... ورشرشناها بسمنة
اوها وحطينا عوجهها لوز
اوها واللي ما تجوزت لهلق
اوها ويبعنلها ربي جوز
لي لي لي لييش


شرح المفردات :
تيلة : سلك تربيط معدني يستخدم في تربيط حديد التسليح في المنشآت حول العالم ..... وتربيط الشحاطات في ارمناز
الصرماية : شحاطة

هووووووو مافيهم .....
نوووووو ...... وعوووووووو .....

لي لي لي ليييييش

احم احم وانا ويني؟؟؟

ليش ماني موجودة بالهنهونة هههههههههه

عم امزح معااكي

مشكوررررررة