التوبة

شعر يحبه اهل ارمناز
التوبة
عدينا عن الخمر هالمرة طول لعمر
ماني ديقو بهالحياة لو أشرفت ع الممات
لا مرح و لا فكات سواني بأخر نقر
إذا اجتمعوا الشياطين و معهن إبليس اللعين
ما بيرجعوني كون أمين و بفقعهن م القهر
العما يضربني ضرب إذا رجعت للشرب
كلامي انك نو كدب ما بدي غير النحر
يا أخي شبعت تعتير و أصبحت رجال كبير
بكره أنكر و نكير بيعكروني بالقبر
بيسالوني سؤالات و بأيدهن مزربات
بيقولولي عجل هات تكلم ما معنا صبر
إن كنك جيي تيب و عفو من ربك جيب
مرقت منا يا شايب و بالجنة صرلك قصر
و إن كانت التوبة كدبة بتاكل اللف مزربة
منا ما هيه عجبة بتشوف نجوم الضهر
في إلي صحب قللي بقا لازم تصللي
بالحقيقة أحسن لي ما بيبقا فيني عذر
قلتلو حكي معقول و حياة النبي الرسول
بدي صللي على طول لا رياء و لا مكر
بتعرف يا أخا العرب بهالتوبة مين السبب
ابن الحسب و النسب متلو ما ربى الدهر
يا أخي أسمو شهير أبو محمد حاج بشير
على ايدو خلق كتير تاب و ربح الأجر
ما شيف رب الخلق مطوف عليه الرزق
ما بيحكي إلا صدق مهما كلف الأمر
الشيخ بشير حج فارس

شوووو هالشعرررر....
الله يعطيك العافية ....بس ناقصه وزن كتير

يسلموووووو