تفضلوا عالفطور

اولا ابدأ بفطورنا السوري بشكل عام والارمنازي منه بشكل خاص
فطور خفيف ونظيف جبنة وزيتون وعطون وزيت وزعتر وفليفلة ولبن وشاي
ولا تواخذونا اذ اننا نسينا المكدوسات


هلق اللي ما بحب الحواضر ممكن نحطله
فطور مصري
يعني فول و فلافل ( طعمية ) وبطاطا وشوية سلطة

طبعا اللي بيحب يفطر دسم عليه بالفطور السوداني
( مقـــــــــــــادم او كــــــوارع )

أو ممكن نقدم له فطور سعودي
مؤلف من كبدة حاشي ( جمل ) وشكشوكة ( بيض مقلي مع البندورة والبصل ) وشوربة عدس
وقلابة ( فول مخلط مع البيض والبصل والبندورة والف شغلة تانية ) مع خبز التميس ( خبز تنور باكستاني )

اذا كمان بدكم فطور اثقل معناتها انتو صار بدكم فطور يمني
لحم مندي ورز وكبدة ورز وجريش وحلاوة ومربى وبيض مسلوق
( اي هاد ما بقا اسمو فطور )

طبعا ما حدا يقول لي انا والله معدتي صغيرة واشو هالفطورات هي ؟؟؟؟؟؟
والله انا الصبح باخد نص كرواسان مع شوية مربى وزبدة وكاسة نيسكافيه

او يجيلو واحد عم يعلك علكة بتمو ويقلي ياااااااااااااي شو هالتخلف
والله انا ما بفطر من هالاكل ...... هادا اسمو انتحار
انا بفطر فليكس مع كرواسووو وكباية عصير اورانج فريش
وقطعة بسكويت ونص خبزة توست محمصة ؟؟؟؟؟؟؟؟؟
]]
لانو حارتنا ضيقة ومنعرف بعضنا ؟؟؟؟؟
ايوه ........!!!!!!!!
والا اقلكم ............؟؟؟؟؟؟؟؟؟؟
طالما بلشتو تنقوا وما عم يعجبكم العجب
بطلنا نفطر اليوم
انبسطوا ؟؟؟؟؟