الوجبة الأساسية في الأفراح الهريسة الأرمنازية

أهم الأكلات الشعبية الارمنازية

أشهر الأطباق المحلية
الهريسة:
و هي اشهر طبق أرمنازي حيث تستخدم هذه التسمية لأحد أنواع الحلويات في باقي المناطق بينما في أرمناز فهو وجبة غداء شهية:
المكونات :

1.حنطة (يفضل جورية أو شام 3)
2.فروج أو لحمة حسب الرغبة
3.ملح
4.سمن
5.لوز
6.فلفل
طريقة التحضير:
تنقع الحنطة بالماء بغد تنظيفها و تصويلها لمدة 5 دقائق ثم تدق بالجرن الحجري (و يمكن شراء الحنطة المدقوقة من اسواق سلمية)
نستخدم لكل 2 كغ حنطة 4 لتر ماء و توضع على نار هادئة لمدة نصف ساعة بعد الغليان
يضاف إليها الفروج المسلوق نصف سلقة و الملح و نقوم بالتحريك بشدة كل ربع ساعة لمدة ساعتين أو أكثر حسب نوع الحنطة و نعرف درجة الإستواء عندما تصبح الحنطة مشللة.
يضاف السمن العربي على وجه قدر الهريسة الساخنة مع التحريك و تبقى بعدها على النار لمدة 5 دقائق
تسكب في صحون واسعة و تزين باللوز المحمص بالسمن العربي و الفلفل الاسود
الملقّسة :
المكونات :

1.برغل ناعم
2.طحين
3.فليفلة حمراء
4.ثوم
5.ماء
6.حمض ليمون
نضيف البرغل المنقوع للطحين ثم نقوم بإضافة الماء بشكل رذاذ مع الفرك أثناء الإضافة حتى تتحول الخلطى غلى عجينة
نقوم بتقطيع العجينة الناتجة إلى كرات صغيرة بعضها فراغ و بعضها يحشى بالفليفلة الحمراء مع الثوم
توضع الكرات الناتجة في الماء و تترك حتى الغليان
بعد الإستواء نقوم بأضافة حمض الليمون
تسكب في صحون غميقة و تؤكل مع مرقتها.

علي الحلال اطيب من الهمبرغر وجكن نكن و جيس بركر كمان

وعلى قبال أفراحكم وتعزمونا
أخوكم الشيف مهند باتيتة
mohnad-scream@hotmail.com

بالإرمنازي ....
"" ...أشووو إلك بالحكي واللهي إشتهينا عهالأكلة ....""

تسلم الأيادي التي جادت .....
تحياتي

انا ما بعرف ها الاكلة بس عندي تقة كبيرة بما انو هي ارمنازية راح اتكون كثير شهية
ياريت كل واحد جابلنا اكلة يجيب لنا صورتها منشان نتعرف اكثر ع الاكل الارمنازي و السوري بصفة عامة

يسلموا الايادي خييو

طبعا الاكلة طيبة كتير واضح من مكوناتها
ويسلمو كتير والف شكر
بسفي شغلة ما خرطت مشطي

(و يمكن شراء الحنطة المدقوقة من اسواق سلمية)هي ما فهمتها؟
يعني اذا الواح عايش في ارمناز بدو يعمل هيك اكلة بدو يسافر لسلمية ليشتري الحنطة المدقوقة؟
والا في سوق بارمناز اسمه سوق سلمية؟ ببيعو فيه حنطة؟

لا اخي لأن الحنطة الموجودة عنا اسمها سوادية وانت بدك حنطة بيضاء مشان هل اكلة ومتوفرة بالسلمية وممكن تلاقيها ب اي سوق وحتى ممكن تلاقيهاعند اي سمان

مهند باتيتة كتب:
أشهر الأطباق المحلية
الهريسة:
و هي اشهر طبق أرمنازي حيث تستخدم هذه التسمية لأحد أنواع الحلويات في باقي المناطق بينما في أرمناز فهو وجبة غداء شهية:

اضيف :
ارتبطت هذه الاكلة في ارمناز بالاعراس التراثية حتى اصبحت جزءا منها
وكان هنالك حفلة خاصة ( سابقا ) تسبق العرس في ارمناز تسمى حفلة ( دق الحنطة ) اي دق حنطة الهريسة
وفيها تجتمع النساء المدعوات في بيت اهل العريس على الغناء والتناوب على دق الحنطة بالجرن
هذا ما كان عليه اباؤنا وتراثهم
اما الان ( فلربما ) اصبحت الحنطة المدقوقة تشترى من سلمية

بالضبط اخي الكريم
وبالنسبة لبقية الاخوة يلي عم يسألو انا يأسفني اني اقول بالشت العادات والتقاليد تخرب ونحنى لازم نناقش هل موضوع لأن صار في شي اسمو تقاعص وقلة همة صار كلشي سلوقة يمكن نحن غلط ولا الوقت ماعاد يساعد ولا الظروف المحيطة بالناس
نعيب زماننا والعيب فينا وليس لزماننا عيب سوانا