تحدي من السيد بسام ادخل و حل الحزيرة

والله يا ابن خالي يا ابوصطيف هي الحذيرة بدها جدك ابوسالم الله يرحمو والله كان بدقيقة بيعرفها والا شو ابو صطيف رايك انت
يخليلي ياك ابوصطيف

حاضرين للطيبين ....
غالي وطلب رخيص .... هون " بهالمشاركة " فيني أعطيك الحل ....

بنربط الأحصنة على شكل أعداد فردية على الأعمدة يعني أي عدد فردي من واحد وأنت رايح .......
العمود 1منحط 1....
العمود 2منحط 3.....
العمود 3منحط 5......
العمود 4 منحط 7......
العمود 5 منحط 9......
العمود 6 منحط 5......
العمود 7 منحط 9......
----------------------------------
المجموع = 39 حصان ........
بالأخير بيبقى حصان واحد .......
نربطه بلجام على كل الأعمدة... (طبعا رح يلزمنا لجام طويل).......

وسلامتك من الآه .....
ههههههههه

ما ظبطت معك يا ابو معاذ

والله انا امبارح كل الليل و ما مشي الحال وطلبت المساعده من اكترمن شخص وما اجاني رد بس لقيت الحل رح نقوص حصان من الحصنة بموت ومنجيب تركتور يشحطو ويكبو عل الخراجية بصفي عنا 39 بيظبط حل ابو معاذ اشو رايك

شوف " ياسيد " بسام ....
أما تقبل بالحل السابق ....
-----------------------------
أو أن
1----0 حصان
2----0 حصان
3----0 حصان
4----0 حصان
5----0 حصان
6----1 حصان
7----39 حصان
--------------------------
أو أن نجمع 6 أعمدة ونجعلهم بعمود واحد ونربط به 39
ويبقى عمود واحد لحصان واحد
------------------------------------------

أووووووووووووووو تفضل إذكررررر لنا الحل ...........

لهذه التحزورة قصة
عندما كنا صغارا كنت احلق عند ابو طالب دعبول ( الله يرحمه ) اللي كانت دكانته تحت مكتب الحزب حاليا بالزاوية وهو والد صديقنا المهندس الكيميائي سمير دعبول
كنا في الصف الرابع - خامس في ذلك الوقت
وكعادة الحلاقين يحبون تجاذب اطراف الحديث مع زبائنهم حتى لو كانو صغار وكل حسب عمره
وكنت كل ما احلق يحزرني حزازير ارمنازية قديمة وشي منها لغوي وشي رياضيات
وشي يحتاج الى فطنة وهكذا وعادة كنت في اليوم التالي اجبله الحل ويكون محضرلي تحزورة جديدة
حتى تاريخ اعطائه لي حالحزورة
دبحتني وانا عم فكر فيها
وكل مرة اعطيه الحل كان يقلي ما مشي الحال
ولمدة سنتين
ولما كنت اسأله عن حزورة جديدة
كان يقلي حل القديمة اولا
حتى حليتها وانا بصف السابع
وبعدها ضحك كتيييير الله يرحمه
وقلي هلق بتستاهل وحدة تانية
فرفضت

وهلق يا ابو معاذ انا بقلك
ما مشي الحال ههههههه

معناتا راجعني بعد خمس سنين ....
سكرنا على الموضوع ....
نلتقي بـ 2015 .....
هههههههه

طيب اكيد ما مشي الحال لانو هي الحلول اللي حطها ادمن كلها فكرت فيها وشفتها مو منطقية حتى الصفر عدد زوجي والله احترت يا اخ بسام

بس بدي اسالك اكيد الحزيرة الها حل منطقي او لا

بس بدي اسالك اكيد الحزيرة الها حل منطقي او لا.

هاد السؤال المنطقي ....لهيك حزورة " علميا (حسابيا) غير منطقية " ؟؟؟؟؟؟؟؟؟؟؟

الاخوة محمد باتيتا - ابو معاذ

آسف لاني ربما عذبتكم بهالتحزورة مدة 2-3 يوم
بس انا كلفتني من 2- 3 سنة ايام طفولتي

لن انتظر حتلى نهاية رمضان
بل ساجيب على الحزورة

( مجموعة فردية من اعداد فردية هو عدد فردي حتما )
هذا هو الحل الذي قلته لابي طالب رحمه الله
فضحك كثيييييرا ........
اي انه لو كان عدد المرابط فرديا ومهما يكن ( عدا 1 ) 5 - 7 -9 -11 -13 .... الخ
فانه من المستحيل ربط عدد زوجي من الاحصنة عليها على ان يكون العدد المربوط على كل مربط عدد فردي

بمعنى اخر
مجموع 3 ارقام مفردة رقم مفرد حتما
مجموع 5 ارقام مفردة رقم مفرد حتما
مجموع 7 ارقام مفردة رقم مفرد حتما
مجموع 9 ارقام مفردة رقم مفرد حتما
مجموع 11 ارقام مفردة رقم مفرد حتما

وهكذا . . . . . . . .

وانا كمان قلت هيك بس مع اصرارك بوجود حل قلت بجوز علم الرياضيات يطلع عن القاعده اللي انت ذكرتها ويكون في حل مع انو القانون واضح شكرا الك