كل النكت الخاصة بالحماصنة....(1)

<LI>آخر حكم الحماصنة "إذا لم تكن ذئباً ......فأنت حيوان آخر"
<LI>ليش الحمصي بيطلع من الحمام دايخ ,لأنو بثبت الصابون وبيبرم راسو
<LI>قال مرة في واحد حمصي قرر ينتحر فوقف على علبة سردين فقلو رفيقو تعا معي فأخذه إلى ناطحة سحاب وقلو هلق انتحر فقلو الحمصي شو بدك تموّتني
<LI>في حمصي كريم كتير أكتر من حاتم الطائي صار عندو حريق ببيته وعندما وصل رجال الإطفاء حلف بأن لايقومون بأي عمل قبل أن يتناولوا الطعام
<LI>في واحد حمصي سأل البائع: عندك تلفيزيونات ملونة وعندما أجابه البائع بنعم قال له الحمصي أريد واحد أزرق
<LI>في سبع حماصنة عملوا فرقة سموها الشجعان الثلاثة
<LI>واحد حمصي وقع من بناية خمس طوابق لما وصل تجمعت الناس و سألوا خير شو صار قال والله ما بعرف هلأ وصلت
<LI>في واحد حمصي راكد سألوه خير في شي ؟!!!!! قال لأ قالولو ليش راكد ؟!!! قال بركي صار شــــــــــــــي
<LI>قال كان في واحد أمريكي واحد فرنسي واحد حمصي مجتمعين قال الأمريكي نحنا حفرنا بكل مكان بأمريكا قام لاقينا أشرطة تلفون وهذا دليل إنو أجدادنا كانوا بيستعملوا التلفون قام قالو الفرنسي ونحنا كمان قام قالو الحمصي ونحنا حفرنا بكل مكان بس ما لاقينا شي وهذا دليل إنو أجدادنا كانوا بستعملو الموبايل ....
<LI>قال في واحد حمصي نزل على الشام على منطقة المرجة فشاف ساعة المرجة فأعجب فيها فإجا لعندو واحد شامي قللو شو عجبتك قللو اي والله قللو تشتريها قللو الحمصي اي بأديش قللو الشامي ب3000 قام وافق الحمصي وعطاه المصاري قللو الشامي خلليك هون رايح جيب سيبة مشان نزلها وراح وهادا وش الضيف رجع الحمصي على حمص وهو زعلان وقال لأخو القصة فنزل أخو على الشام مشان ياخد بالتار راح على المرجة ووقف قدام الساعة قام شافو الشامي قللو شو عجبتك تشتريها ب 3000 قللو الحمصي اي وعطاه المصاري قللو الشامي خليك هون لجيب السيبة قام قللو الحمصي لا ماحزرت أنت ضل هون أنا رايح جيب السيبة
<LI>في حمصي سأل واحد بالشارع وين الرصيف التاني قالو مقابيلك فقالو الحمصي سألت هنيك قالولي هون
<LI>ليش الحمصي يشرب نصف كأس من الشاي
مشان ما يغسلها كلها
<LI>اثنين حماصنة فاتوا على كلية الطب :
واحد طلع محاسب والثاني محامي
<LI>السائح لمواطن حمصي في دمشق : ممكن أن تدلني على شارع 29 أيار ؟
المواطن الحمصي : ممكن يا أخي بس أي سنة
<LI>دخل حمصي على الصيدلية وسأل إذا كان في حمصبو قال صاحب الصيدلية شو هادا حمصبو روح عن وجهنا إجا اليوم التاني وكمان سأله نفس الشي وقلعه في اليوم التالت هادا الحمصي عصب ودخل على الصيدلية وقال بعصبية بدي حمصبو فقال له صاحب الصيدلية دخيل الله شو هادا حمصبو فقال له حمصبو بالشامي شامبو(شام+بو)وبالحمصي يا ذكي حمصبو(حمص+بو)
<LI>ليش الحماصنة بيكتبوا على نمرة سياراتهم وثبة أو كرامة ؟؟؟ قال لأنو بيكتبوا بالشام : جيش أو شرطة ؟؟
<LI>لاذقاني راح لعند رفيقو الحمصي, قلو: قرد... بتعرف شو يعني FM و AM بالراديو. قلو الحمصي لا والله قلو اللاذقاني: FM يعني في موسيقى و AM يعني مافي موسيقى...
<LI>قام الحماصنة بتطوير الكمبيوتر فركبوا سحاب بدل الكيبورد
<LI>مرة الحموية حبوا يقلدوا الحماصنة بجنانهم قاموا بنوا سد بالصحراء تاني يوم لقوا الحماصنة عمبيصيدوا سمك فيه
<LI>واحد حمصي ضاعت محفظته.. راح يبلغ الشرطة .. قالوا له: ولا يهمك .. روح البيت واحنا بنطلع المحفظة من تحت الأرض ... وهو رايح شاف بالشارع عمال البلدية يحفرون .. قال لهم: شدو حيلكم ياشباب . ترى المحفظة لونها بنـــــي
<LI>واحد حمصي بعت ابنو الفهمان على كيلو حلاوة بالجبنة
قام جاب نص كيلو حلاوة ونص كيلو جبنة
<LI>في حلبي و حمصي مسافرين بالطيارة و الحلبي قاعد من طرف الشباك استأذن الحلبي الحمصي مشان يبعدلو مشان يروح إلى الحمام بعدلو الحمصي و لما كان الحلبي بالحمام وصل طعام الرحلة شو بيعمل الحمصي بياكل أكلو
و أكل الحلبي و لما بيرجع الحلبي و بيسأل الحمصي ليش أكلت أكلي بيجاوبوا الحمصي و بكل ثقة فكرتك نزلت
<LI>قال في مجموعة علماء حماصنة قرروا أنو يعملوا أبحاث على ضفدع قام قطعوا له أول رجل وقالوا له نط قام نط قام قطعوا له تاني رجل وقالوا له نط قام نط قام قطعوا له ثالث رجل وقالوا له نط قام نط قام قطعوا له الرجل الرابعة وقالوا له نط قام ما نط فكتبوا ملاحظة: أنو إذا قطعت الرجل الرابعة للضفدع فإنه يفقد حاسة السمع
<LI>قال الحمصي كيف بيبحث عن الأرنب؟؟؟ ج: بيقلد صوت الجزرة!!!
<LI>ليش الحمصي بيحط الصوبيا برة؟ - لأنو برة أبرد من جوة
<LI>شوفي فرق بين تلميذ حمصي ذكي وتلميذ حمصي غبي؟ تلميذ حمصي غبي بيكتب ورا المعلمة وبمحي بس بتمحي تلميذ حمصي ذكي ما بيكتب لأنو بيعرف انو المعلمة رح تمحي
<LI>ليش باصات الحماصنة كلها بالعرض ؟؟؟ لأنهم كلهم بيحبوا يقعدوا أول صف
<LI>في واحد حمصي أبو وأمو حلبية وساكن بالشام
<LI>قال حمصي لصديقه:بتشرب قهوة.
قال صديقه:إذا شربت قهوة ما بقدر نام.
قال الأول:أنا بعكسك تمام بس نام ما فيني أشرب قهوة.
<LI>واحد مستشرق راح على حمص رجع مستغرب..
<LI>في واحد حمصي باع اللي فوق واللي تحت واشترى اللي جنبو
<LI>ليش الحمصي بيقيس حرارة الماء بإصبعين؟ لأنو رأيين أحسن من رأي واحد
<LI>حمصي ماشي بالشارع، قام شاف سيارة عليها لوحة مكتوب عليها: " احذر الدهان "... قام وقف و صفن شوي و فكر، وقال : آآآه...أزرق "
<LI>اتنين حماصنة عبقلدوا سيارة إسعاف واحد مد راسه من شباك السيارة اليمين وصار يقول ويوو ويوو ويوو والتاني مد راسه وصار يقول أزرق أحمر أزرق أحمر أزرق أحمر
<LI>ليش الحماصنة عم يحطوا قبعات على راسن لأنو سمعوا أنو الشيشان عم يضربوا الروس
<LI>في وفد حمصي راح للحج قام راح شيخهن قلهم يا شباب كل ما أسرعتوا بالحج كل ما لحقنا العيد بحمص أبكر
<LI>واحد حمصي فقير كتير راح على الجامع و بعد صلاة الجمعة قالوا للشيخ : شيخنا بدي أسأل سؤال
الشيخ : اسأل يا ابني
قالوا إنوالجامع مو للكل
الشيخ : طبعا يا ابني
قالوا شيخنا أنا بدي بيع حصتي إذا هيك
<LI>شو بيصير إذا طلع الحمصي على القمر ؟؟؟؟
بينقص واحد من حمص .....
<LI>طيب ! شو بيصير إذا طلع الحموي على القمر ؟؟؟
طبعاً بيلاقي الحمصي فوق ....
<LI>طيب كمان شو بيصير إذا طلع الشامي على القمر ؟؟؟؟
بيلاقين رااااجعين ...
<LI>في حمصي إجا ولد قام ذبحو
سألوا ليش :قال عصفور بالجنة ولا حمار ع الأرض
في مزة واحد حمصي اشترى لابنه آلة حاسبة و شال الصفر منشان ما يتصل دولي ههههههههههههه
<LI>في واحد حمصي اتصل بالإطفاء و قال شو إذا ما في حريق ما منشوفكن ها ها ها ها
<LI>شو الشئ المشترك بين الديناصور والحماصنة الأذكياء؟
الاثنين انقرضوا
<LI>في واحد حمصي قرر أن ينشئ موقع على الأنترنت فعمل موقع صيفي و آخر شتوي الموقع الشتوي سماه حمص دوت كوم أما الصيفي فسماه حمص دوت نصف كوم
<LI>في مرة حماصنة سمعو إنو جاي عاصفة عاحمص فاكتبو على مدخل حمص \درعا ترحب بكم
<LI>ليش الحمصي بصير زكي برات حمص ؟؟؟؟؟؟......لأنو بطلع خارج نطاق التغطية...
<LI>مرة الحماصنة جمعوا تبرعات من بعضهم و اشتروا قنبلة نووية ليضربوا حماة قام الطيار الحمصي طار وضرب القنبلة بنص حمص قاموا سألوه بعدين ليش ضربت القنبلة بحمص قالهم:شو إحنا دافعين دم قلبنا عالقنبلة لنضربها بحماة
<LI>اثنين حماصنة كانوا عم يلعبوا شطرنج ، وقد ما طولت المبارات معهم مات الملك بجلطة
<LI>كان في واحد حمصي وضع يده في برميل من حمض الكبريت فعندما سحبها لم يجدها فأدخل رأسه حتى يدور عليها!!!!
<LI>ليش الحمصي بحط ليرة بكاسة مي؟
منشان يشرب مياه معدنية