شوية حكي يمكن محكي من حدى قبلي بالمنتدى بس ما اشبو شي ظريف

من طرف **أبو محمد** الثلاثاء يونيو 22, 2010 12:54 pm

أهم قوانين الطبيعة
قانون الاصطفاف
إذا أنت صاف في طابور بطيء وغيرته
الطابور اللي تركته فجأة بصير يمشي أسرع من اللي أنت فيه
قانون التلفون
عمرك ما تتصل على رقم غلط ويطلع مشغول
قانون التصليح
إذا كنت تشتغل وايديك مليانه زيت وشحم .. تأكد إن انفك رح يحكك
قانون الأعذار
إذا تأخرت عن الدوام وقلت لرئيسك أنه بنشرت سيارتك ،تأكد إنك بكرا رح تبنشر عن جد
قانون المغطس
إذا بديت تتوضا .. تأكد ميه بالميه إن جوالك بيبدأ يرررن وما بيسكت
قانون الالكترونيات
إذا أخذت جهاز عند مصلح وبتحكيله انه ما بيشتغل .. لحظتها بيشتغل ولا كأن أي شي صار
قانون القهوة
أول ما بتعمل لك فنجان قهوة .. تأكد إن رئيسك بيجي وبيعطيك شغله ما بتخلص إلا لما تبرد القهوة
قانون المصادفات
إذا كنت ما بدك حدا يشوفك .. فجأة كل اللي بتعرفهم بيطلعوا بوجهك

قانون الدراسة
ازا كان عندك مزاكرة ودرست كل شي الا صفحة تأكد انو معظم الالسئلة رح تجي منها

حلوين وظراف مو هيك؟؟