ياشباب حدا يجيب لبن غنم رح نطبخ سليق اليوم

ياشباب الضيعة شو رايكون نتذكر شوي شومقادير اكلة السليق
البري الي هي والله عندي اطيب اكلة واكيد عندكم كمانا
رح نروح للبرية اول شي ونجيب السليق يعني نطلع عالسليق(رسماله كيس نايلو وسكينة)
ورح نعد اسماء الاعشاب المستخدمة
1-خف القاق
2-دردار
3-شفة العبدة
4-طنجرة امك ياحسين
5-حريرة
6-شوك البري الاخضر
7-مخيترية
8-خبيز
9-نفيخ
10-حريص النيل
11-حميضة
وكمان الخ........)
وهلاء بعد ما رجعنا للبيت وطبعا اجرينا مليانيت طين
رح نبلش بالطبخة بنجيب البرغل وارنين فليفلة من القليدة
وشوية اشر برتقان
وبندقهن بالهون
وبكونبهالاثناء قلينا السليق بعد الغسيل والفرم
وبنطب الدقا (دقة البرغل)
بعد اضافة الملح
وبقليها شوية
طبعا وكمان ما ننسى نترك شوية دقة
منشان السفرة
لك صحيح يا شباب واحد منكم ينط لعند تامر يجيب كلو لبن شغل بيت الخسارة يمون تازا
وكيلو بصل اخضر
وتفضلو عالعشا
وامانة الاكل على قد المحبة

اي والله شهيتني ..... وسفرة دايمة مقدما
بس خيو نحني منقلي الدقة بزيت الزيتون بالصاج ومنطب فوق المنها السليق المغسول والمفروم
بعدين حسب علمي النفيخ والحميضة والحريرة وحريص النيل ما هن من مكونات السليق كما انك نقصت كف الدب والمسكة

قال همبرغر ... قال !!!!!!!!

راجعين ياهوى .....
سلمت يداك ، والله يسامحك ، كان بدها هالأكلة برااااااا رمضان ....
إشتهينا وبدى اللعاب يسيل .... منخاف نفطررررررر....

تسلم إيدك ياغالي ...
والله بدي إقترحك شيف للمنتدى ....لأنو مهند باتيته ماعدنا شفناه ....
فشوووووو رأيكم ياشباب ....
تسلم ياغالي ....

والله والنعم بيركب تمام على منصب الشيف يا أبو مُعاذ

عجبتني هي قال برغر قال وليس همبرغر يا أبا عبد الله وابحث عن السبب في الفرق
المطوعين ما يقبلونها

والله انو هي الاكلة اخوي بسام شلون ماكانت رح تكون طيبة وخصوصا لانها من طبخ امهاتنا الغاليات الله يخليهم حميعا ولكل ام طريقتها
بس هي اكلة رائعة
والله انا اتصلت بالوالدة مشان اعرف وقتها بالسنة وانزل لسوريا واكلها
عجب هالاكلة ممكن واحد يخزنها للصيف
وشكرا للاضافة بسام هي ممكن لسا في كتير اصناف ما ذكرناها بدا لقاء مع ستي

شكرا

والله خجلتني ادمن بس هادا منصب كبير علي الله يجبر بخاطرك وعلى فكرة الشيف مهند باتيتة هو ابن خالي اللزم وتقبل مني فائق الاحترام وشكرا للثقة يا اخي ادمن ونلتقي انشالله بطبخة جديدة

بتعرفو يا شباب شو هو الاسم التاني للاكلة السليق والها اسم تاني بس المشكلة انو ممكن بعض الناس تفهمها غلط الاسم هو م ه ب ل وطبعا بتشديد الباء

لا لا بهالمناسبة مارح حدى يفهمك غلط ...
مالكل أرمنازي ، و 100% بيعرف الأسم ...
أخي الكريم ، شكرا لحرصك ، نحن بحاجة لأمثالكم كي نرتقي بالمنتدى ونسمو به
وأتمنى لك التوفيق ...

طيب ليش نسيت لبن الفجرشو فيه ؟؟؟؟؟؟
بس الواضح أنووو الأكلة بدها لبن غنم ، ما لبن بقر...

ههههههههههههههههههه والله بسام مابيمرق عليه شي الا شوي وكانت مرقت
ما انا مندوب مبيعات لشركة الخسارة للالبان والاجبان هههههههههههههه