مسابقة جديدة في اللهجة الارمنازية

والله مابعمري سمعتها شو يعني
مقعول يعني نفسها هادر ديسك بس بالارمنازي هههههههههه

هات لنشوف شو هوووو...ياأرمنازي يا معتق؟؟؟؟[u]

و الله انا من جهتي اول مرة بسمع فيها بس اذا بدك طول بالك لانزل على ارمناز و بسائل ختايرية ارمناز او منسئال فقوع منعرف شو معناتها ههههههه

العمى باجريهن هالارامزة شادن ازكبا ولو

شكرا للقائمين على هذا الموقع احييكممن بلغاريا

الله محيي ايام الحيلين والبيدر .والكسدورة

في حدا بيعرف اشو الاطناية

والله لازم جيب جدي مشان يشترك بهالمندى....

أظن أن السبنان هي العصاية التي توضع على الحصان عند الفلاحة ....
والله تعالى أعلم

السبنان هو عبارة عن اربعة نوازل تخرق النير لتثبيت النير على رقبة الدابتين عن طريق الكدانة من اجل جر المحراث


ودمتم

ما بعرف ولا مرة سمعان فيهاا

يمكن متل ماقال محمد

صحييييح يا محمد يا عبقري

صح يا محمد باتيتة
ماشاء الله عليك
شكرا على الموضوع المفيد
مشكوورين

صح بس شو هو الكادك

بعد اذن ابو عبد الله الغالي
الاسم الصحيح هو السبلاَّن وليس السبنان
والدليل
من الاوتوكاد
لاتضحكوا كتير
رح اقنعكم بالدليل
انا بزماني عامل "دورة بشارع الثورة" ههههه
قصدي دورة اوتوكاد بسيطة, ومن ضمن التعليمات اللي مرَّت علينا في تعليمة اسمها
spline
واذكر يوم شرحلنا اياها الاخ اللي كان يعطي الدورة قال
بتعرفو السبلان تبع صمد الفلاحة قلنا : بلى يا أستاز ومن لايعرف السبلان فهو جاهل في امور الفلاحة يا استاز!!!!
هههه
قال بتعرفو كيف كانو يصنعو السبلان؟
قلنا كلا يا أستاز هات أتحفنا !!
فقال افتحو اذانيكم لاشرحلكم كيف
كانوا يجيبو خشبة طويلة ويثبتوها من طرف وينقعوها بالمية كم يوم ويثنوها من نقطة معينة ونقع المية عشان يعطيها مرونة يثبتو النقطة الثانية وكذلك بعد كم يوم كمان يثنوها بنقطة ثالثة محسوبة كمبيوتريا بحيث تتناسب والانحناء المطلوب لتثبيت النير على رقبة الدواب, يعني فينا نقول شكل الانحناء اهليلجي نوعا ما بس ترى محسوب هه
وهكذا حتى ينتهي الاخراج النهائي للسبلان على شكل اربع اقواس تقريبا تمر ضمن خشبة النير
ثم اردف قائلا
سارسم لكم مستقيما بالاتوكاد واطبق عليه تعليمة السبلاَّن
وشوفو كيف سلوك المستقيم لما تطعجو بنقاط متباعدة
ترى ما عم امزح
جربوها وشوفو دقة المعلومة
شلووووووووووووووووووون

عملتوها قصة عنتر هو السبنان
وفي شي اسمو الشاحر وفي شغلات تانية متل المساس
ولحيلين كلياتها ادوات للفلاحة والزراعة أكيد ماراح يجي
يوم عليكم وتروح على السوق
وتفوت على السبر ماركت وتقلو
لو سمحت تنين سبنان واحد عود مساس سلاش بليز مسيو

من فضلك
سبنان 8 غيغا
وكدانة 14 بوصة ال سي دي
ومساس وايرلس أصلي
لان المساس اللي اعطيتني اياه أخر مرة طلع جربان رأسا تجرَّك
وطقم نضوات يكون كوري

ههههههههههههههههههههه
طيب مافي عندي غير ماركات اصلية
وكلشي بتمنو
في عندي مساس ناشونال دول كور e5700 4m.m
او قلك شو المينو فيست
عندك مكتوب الاسعار
والانواع
ههههههههه

ههههههههههههههههههههه
حلوة هي

من فضلك حط البروشور للمعروضات اللي عندك
مع ذكر الاسعار والتخفيضات
ههههههههههههههههههههههه

يا شباب قلبتو المنتدى سوبر ماركت....
هههههههههههههههه

هيك الظاهر المنتدى صار سوبر ماركت هههههههه
شكرا هالمسابقة المتميزة

والله لو جبنا اول انسان عاش في ارمناز لما عرف
بس شكرا على الحزورة هي