كيف يتميز المواطن السوري عن باقي شعوب العالم

من طرف **القنصل** الثلاثاء مايو 25, 2010 2:01 am

كيف يتميز المواطن السوري عن باقي شعوب العالم
________________________________________
1. بيفهم في الطب وبيشخص المرض ويوصف الدواء وبيفهم في الكهرباء وتصليح السيارات والطبخ والسياسة والطابة والعمار ... وكل شي بيخطر ببالك
2. بيحط الريموت كونترول بكيس نايلون حتى ما يتغبر وتروح الأرقام.
3. بيوقف يتكلم على الباب نص ساعة بعد إنتهاء الزيارة والسلام.
4. في خزانة المطبخ عنده عشرين قطرميز فاضي منشان اذا احتاج يستخدمها ومازال مُصِر على جمع المزيد .
5. ييجي بعد الموعد بساعتين دون ان يعتذر.
6. بيحكي بصوت عالي في المكالمة الدولية منشان التاني يسمعه.
7. بيعتبر حاله أفضل واحد في الشراء والمفاصلة بعدين بيكتشف إن المحل اللي جنبه أرخص من غير مفاصلة
8. بيحتفظ بأكياس محلات اللبس والأحذية وورق الهدايا تحت الفرشة لسنوات من مبدأ إلاّ ما يلزمو .
9. بيشتري قبل الإفطار في رمضان ألف نوع حلو .
10. عنده منقل شوي للرحلات يستخدمه مرة واحدة أو 3 مرات بالعمر إن كترت .
11. بيفكر إن أي حدا بيشتغل في الخليج بيغرف مصاري من غير حساب وأغنى واحد في الدنيا .
12. بيكون مشغول بقيمة البخشيش طول العشا... ياترى أعطي 25 ولا 50 ؟ .
13. بيتخانق ساعة مشان يدفع حساب المطعم بحرارة شديدة ... وقلبو عم يقول حق بق .
14. بيفرش شرشف التخت على طقم الكنب منشان ما يتوسخ ، ولما يجوا الضيوف بيترك الشرشف
15. بينتظر بفارغ الصبر بياع المحارم أبو : الـ7 بمية المحارم ليموّن لشهرين عالأقل .
16. اذا ركب تكسي ... طول الطريق عم يطلع عالعداد .
17. عندو التخبيص بلعبة الشدة مصيبة كبيرة .. وممكن يخسر رفيقه مشان برتية

من طرف **أبو محمد** الثلاثاء مايو 25, 2010 9:15 am

انا مع الاخيرة للعظم
احكيلك هالقصة
واحد صفاته متل الاخير 100% اذا غلط اللي قباله ممكن يضربه ويخرب القضا
المهم اصحابه عملو فيه مقلب جابولو واحد على اساس يشتغل شرطي ونزلوه شريك باللعب معاه وبلش يخربط باللعب وصاحبنا ينفخ وخايف يعصب عالرجال لسه اول مرة يشروفه ومحرج منو وخايف يغلط عليه
اخر طب الكيل اخونا تبع الشرطة غلط غلطة كبيرة
فراح صاحبنا العصبي قللو
بتعرف انك كذا وكذا وكيت
وخود هي ايدي حط الكلبشة , عليك وعاللي علمك اللعب خليني اتختخ بالحبوس
هههههههههههههههههههههههههههههههههههه