لقد تم افتتاح مطعم المجد ب أرمناز بأدارة الشيف مهند باتيتة

تم افتتاح مطعم المجد بساحة البازار بأرمناز مقابيل الناحية بادارة الشيف مهند باتيتة وجبات ارمنازية
فول
فلافل
حمص
فتة
مرتديلا
بيض بكافة انواعو مقلي ومسلوق وصندويش
شاورما
خبز صاج
ومناقيش على الصاج
فليفلة - جبنة - زعتر - لحمة
انتظرونا في رمضان وجبات رمضانية
نحن دائما بالخدمة
0994165844 الشيف مهند باتيتة 24\24

أية الرزق ان شاء الله
الله يوفقك
وان شاء الله ماتلحق طلبات للزبائن (من كثرة الزبائن طبعا)
بس مو تلتهي وما تعود تكتبلنا الاكلات بزاوية مطبخ ارمناز
على فكرة اغلب الاكلات اللي ذكرتها بزاوية مطبخ تم تحضيرها وكانت لذيذة والله يجزيك الخير ويوفقك ويباركلك بالمطعم الجديد
والله يرزقك ويعطيك حتى يرضيك
بس اوصيك ان تتقي الله في عباد الله
فتقوى الله خير زاد للعبد في الدنيا وفي الاخرة
لان الله سبحانه وتعالى قال:
ومن يتق الله يجعل له مخرجا ويرزقه من حيث لايحتسب

بس مو لازم عالافتتاح يكون في حفلة لاعضاء المنتدى وكل واحد سندويشة فلافل عالماشي
ههههههههههه
عشان البركة والدعاية والذي منو
ههههههههههههههههه

موفق ان شاء الله اخ مهند

بالتوفيق اخ مهند

اخي الكريم احترنا بامركم هاد المطعم الك ولا ل محمد المسلم اخو صلاح
كل واحد بيقول هادا الي
صار الشغله بدا مراجعه مصلحه القارات

شغلة بسيطة
الحل عندي
اللي بيعزمنا عالمطعم
هو بيكون صاحبه
واللي ما بيعزمنا معناتو مالو مطعم ولا شي
شلون هالحل؟؟

والله حل جميل ...إذا بتقبل الدعوة ؟؟؟؟؟؟؟؟؟؟؟؟؟؟

ألف مبروك أنشاله وبدي اطلع من حلب خصوصي لعندك
وباركلك وانشاله أيه الرزق بس أنت عجب بتفتح نهار الجمعه
عم استنى ردك على نارررررررر

والله يا اخ ادمن بقبلها ليش لا
نتشرف بيكم
وبحضوركم بتنور ارمناز ومحلاتها ومطاعمها
وكل شي فيها

ان شاء الله صاحب المطعم بيشوف على وشه الخير و البركه و الرزق ...

و بتمنى بالفعل نتقي الله بكل أمر نقوم به .. و المطاعم من باب أولى .. لأنها مسؤوليه كبيره .. حيث أن كثيرون من العامة يلجؤون إلى هكذا مطاعم في بعض الأوقات ..

فيرجى اتقاء الله و خوفه خاصة من ناحية النظافة و الأسعار ..

اخوتي الكرام في الامنتدى اشكركم جزيل الشكر واتمنى انو تزوروني
وبالنسبة للأخوة الكرام يلي عم يسألو عن ملكية المحل المحل شراكة انا الشغل والادارة ومحمد المسلم الممول فقط واخي الكبير اتمنى ان تشرفني وتنور المحل بوجودك واخي يلي بدو يجي من حلب يوم الجمعة هو يوم الشغل البازار ولا مانك عايش هون يا اخي يلي بيحضر بيحضر واجبو والله هو ولي التوفيق
انا لو ما بحب بلدي وضيعتي ما اخدت هيك قرار ممكن يكسرني لا سممح الله وانتم خير العارفين بأرمناز شو عم يصير فيها من كساد في البضائع وضعف بالسوق بسبب تجمع الاموال بيد قلة من الناس وبأضافة لقلة اجرة العامل و التزايد السكاني وخليها على الله لهيك كل الشباب سافرو واليوم ودعت اخر صديق لألي سافر على قطر من شي ساعة ونص وبقي واحد على اساس كم يوم وبدو يسافر على دبي لاقونا فتوا كرمال النبي .................حسبي الله ونعم الوكيل

شمقمق والله بحبك بدون ما اعرفك وانا عازمك عزيمة خاصة من كل صنف موجود بالمحل وجبة لشخص واحد طبعا مع عدم الانحياز من الاخوة الاعضاء كلكم احبابي

ممكن تقدم الوجبات التالية
1 بطاطا مع دجاج
2 شاورما دجاج ( صحن او سندويش )
3 همبرجر دجاج
4 همبرجر لحم
5 كبسة سعودية ( لحم أو دجاج )
6 مطلوب موظفين ههههههههههههههه