عروسة السفرة الارمنازية الكبة النية ( اكلة ارمناز المفضلة في رمضان )

اشتهرت المنطقة الشمالية بمحافظة "إدلب" بالعديد من الأكلات الشعبية وحافظت عليها، ومن أشهر هذه الأكلات "الكبّة النيّة" فهي أكلة شعبية قديمة، إما أن تكون الأكلة الرئيسية أو أن تكون ضمن مقبلات المائدة، ولأهالي مدينة "أرمناز" باعهم الطويل وتفننهم الخاص في طريقة تحضيرها

وعن طريقة تحضيرها
1- نقوم بنقع البرغل بالماء ( يجب ان يكون سوادي قاسي وناعم وسط)
2- ندق الهبرة مع القليل من الدهنة ونمزجه مع الفليفلة الحمراء المدقوقة ويضاف لها الملح والكمّون حسب الرغبة
3 - وبعدها يطحن البرغل مضافاً إليه الفليفلة الحمراء اليابسة والمنقوعة، مع القليل من البصل والجوز، ويطحن البرغل إما عن طريق الماكينة الكهربائية، أو باستخدام "الجرن الحجري" الذي مازال يستخدم حتّى يومنا هذا وخاصة من قبل المسنين في العمر
4- وبعد طحن البرغل والفليفلة الحمراء نقوم بمزجهما مع الهبرة والدهنة مستخدمين "القصعة الفخارية" ودعكها بشكل جيد مع إضافة القليل من الماء حتّى تلين، وبهذا الشكل تكون "الكبّة" جاهزة لتقطع إلى قطع صغيرة بحجم قبضة اليد».

هذا ويضاف إلى مائدة "الكبّة النيّة" "زيت الزيتون" وهو المرافق الدائم لهذه الأكلة، و"سلطة الخضار" بالإضافة إلى "لبن العيران" وهكذا تصبح مائدة"الكبّة النيّة" جاهزة للأكل.


منقول بتصرف

خلينا نقول : قنبلة السفرة الأرمنازية ....
صحيح طعهما طيب ....
بس مضارها ....والعياذ بالله ...
حيث تتحول اللحوم النيئة لمصدر للاصابة بامراض مختلفة مثل الحمى المالطية وخلافه .....

بشروا ولا تُنفروا يا زلمة

إذا اللحمة من أرمناز واللي عما يحضرها من الأهل

وسبقتها بالبسملة فكل وتوكل على الله

وبالصحة والعافية - أحلى وصفة يا أبو عبدالله خصوصي مع ها السلطات اللي جنبها ودمعة الزيت البلدي أسيد صفر

أنا والله بيحضروها أهلي وبجنبها كل ما تقدم ما بحطها بفمي
شو لحمة نية الله أعلم كام ذبابة واقفة عليهاوما عم تمر على النار
أنا برأيي الابتعاد عنها أفضل وأسلم

طيب
لاتختلفوا ابدا
الكبة النية بتصير بلحمة وبتصير بدون لحمة
خلصونا
اللي بدو بلحمة ياكل بلحمة
والللي مابدو بلحمة لاياكل من ام اللحمة
من هديك اللي بدون لحمة
---
وعلى قولة قرايبيني الحماصنة
قال الحمصي
لما بياكل كبة ومعلومكن الكبة بتسقي مي
بينام وجنبو كاستين
وحدة مليانة مي
والتانية فارغة
عشان اذا فاق بالليل هي اذا فاق طبعا
وعطشان بيشرب من الكاسة المليانة
واذا ماكان عطشان بيشرب من الفاضية
وانحلت المشكلة
هاد حل قرايبيني الحماصنة
اللي ما بتأثر فيهن لاالمالطية ولا من يحزنون
والف صحة للجميع

احلى تسمية للكبة النية هي ......صبة المعدة الارمنازية
لانها تتصلب بفعل الماء مثلها كباقي الصبات الاخرى0
ولكن بطريقة معاكسة حيث يصبح حجم قطعة واحدة
منها في المعدة يساوي حجم صحن كامل كما في الشكل
عداك عن الاعراض الجانبية الاخرى للفليفلة الحمراء

تقبلوا تحياتي....

والله من بعد الكبه الي بتساويها نانتي ما حدا ياكول كبه
يا شباب كلو الكبه من أيادي النانات الي عندو نانه عايشه \\
يروح لعندها وكول وتفرج
وتحيه لكل المساهيمين

مافهمت عليك أبو عبدالله ....؟؟؟؟
فنبشركم بأنه قد تم حل مشكلة اللحمة النية ( للمغتربين ) بشكل قطعي ونهائي
وبطرق صحية 100 %
كيف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Admin كتب:مافهمت عليك أبو عبدالله ....؟؟؟؟
فنبشركم بأنه قد تم حل مشكلة اللحمة النية ( للمغتربين ) بشكل قطعي ونهائي
وبطرق صحية 100 %
كيف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ههههههههههههههههههه
ولو ابو معاذ اي عفنت الكبة بالسفرة !!
هلق لشفت هالعبارة ؟؟؟؟
( سأرسل لك الطريقة على الخاص )

خليها على العام ....
وخلي هالناس تستفيد ....ولوووووووو

يا أخي بسام وأنا كمان بدي الطريقة

بس متى ما شلنا اللحمه من الكبه
ماعاد اسما كبه نيه
نسبته لللحمه النيه الموجوده فيها

وينك يأأبو عبدالله .......جاوبنا....

خالد كتب:بس متى ما شلنا اللحمه من الكبه
ماعاد اسما كبه نيه
نسبته لللحمه النيه الموجوده فيها

غلطان يا خالد .... !!!!
التسمية من المعالجة وليس من سحب احد المكونات
فاذا كانت غير مطبوخة ولا مقلية ولا مشوية
شو بدها تكون ؟؟؟؟
اكيد نية !!!!

بإنتظار الطريقة ....
ياخي إشتهينا عليها ....